食飯時阿媽同我講:喂,缸魚入面多左條魚啊,我今日下午睇魚時望下望下見到有條魚毛仔,好細條~~~唔!!!!!!!係邊??!!我立即放低碗飯,唔等啊媽答就走去魚缸度裝,嘩!!!唔止一條,有2大條魚毛....唔知係邊條魚生的~~~好開心,成日諗缸魚會唔會生bb,果然無里頭地走左2條出黎,好得意啊,希望佢地快高長大同埋d大魚唔好食佢地啊~~~
近日有D勁相流出,當事人話係移花接木,電腦特技云云,重有D所謂專家話個D相唔難做,話:只要對電腦繪圖軟件操作有認識，能在個多小時合成相片。連我公司個兩個唔洗做,白豆人工,重唔滿意既電腦部同事都話識PHOTOSHOP就好易執到~~~我就唔去評論D相係真定假,但我只想D專家同HEA友同事講野負責任D,唔好誤導觀眾,PHOTOSHOP唔係你地所講既咁神奇,咁無所不能同埋冇咁容易上手架,小弟靠PHOTOSHOP超過10年,自問都冇能力係1日內做到第一張相,唔好話粒零鐘喇,如果真係咁X易整,個個做到,D相都冇人信堅啦,洗咩你D專家出黎講,重話自己係專業教育學院數碼媒體姓黃高級講師,教壞學生......可以做到以上冇咩破綻既相,要神級既PS達人先得,唔係阿豬阿狗都可以~~嘿,除左D相,發相人,相中人會影響社會之外,你個D所謂既專家,學者都有份出力的~~~
呢兩日真係好凍,凍到hihi,係屋企重凍過係街~~不過,過年冬天應該係呢種天氣的,咁先有冬天氣氛..
睇新聞片,話呢一兩個星期大陸好多地方都比大風雪侵襲,交通幾乎中斷,供電都受到影響,去上海北京等地的鐵路都影響埋,香港好多乘客都要等成日先可以上火車~~但睇番廣州個邊,d乘客比香港慘好多,d人好多都係趕番鄉下過年的民工,而受風雪影響最大的地方就係佢地的老家,咩安徽,湖南,湖北等等等,見佢地係廣州車站得上火車,但架火車又未到,都唔知係邊,排成晚又唔知排咩,天寒地凍,都唔知幾時先上到車,番到鄉下~~我地係香港既人當然唔會感受到佢地既心情,歸心似箭,但又唔知點番去,離家成年,本想回家過年,但而家都唔知番唔番到去~~~
唔寫太多了,總之香港真係一塊福地,香港人......真係幾幸福的(去完西藏番黎已經覺得香港人真係好幸福,身在福中不知福,打仗的話唔洗3日,香港人一定死晒!!!),覺得自己慘個d唔該睇睇大陸d人啦,唔好只睇大陸有錢的一面~~~珍惜一切.....但有d野都要堅持的,不能退~~
阿媽睇完新聞口upup話,過年d食物又會貴,咁凍,咩農作物都凍死啦,交通又行唔到,邊有野運落香港,想唔貴都難啦~~~
沒錢的時候,養豬
有錢的時候，養狗。
沒錢的時候,在家吃野菜
有錢的時候 ,在酒店吃野菜。
沒錢的時候, 在馬路上騎自行車
有錢的時候，在客廳騎自行車。
沒錢的時候想結婚，
有錢的時候想離婚
沒錢的時候老婆兼秘書,
有錢的時候秘書兼老婆
沒錢的時候假裝有錢,
有錢的時候假裝沒錢
人啊，都不講實話：
說股票是毒品，都在玩；
說金錢是罪惡，都在撈；
說美女是禍水，都想要；
說高處不勝寒，都在爬；
說煙酒傷身體，就不戒；!
說天堂最美好，都不去!!!
當今社會，窮吃肉，富吃蝦，領導幹部吃王八；
男想高，女想瘦，
狗穿衣裳人露肉；
過去把第一次留給丈夫
現在把第一胎留給丈夫；
鄉下早晨雞叫人，
城市晚上人叫雞；
舊社會戲子賣藝不賣身，
新社會演員賣身不賣藝。
又真係幾o岩～～
呢排個腦全部都係魚，魚魚魚魚魚，尋日放工忍唔住，一條友走左落魚街買魚，採購名單包括Q版鳳凰，老鼠魚同D平價燈魚仔，行下睇下見到心儀已久的羽毛刀，一路都想買的，但價錢好貴，大埔上水成10幾20蚊條，望一望價錢，嘩好平13蚊一對，再問問個豉頭婆可唔可以同D魚仔養，佢話得，正，拿拿聲買左包，再買左包老鼠魚同阿媽鍾此既波子就返屋企，係火車度愈望對羽毛刀愈鍾意～～返到屋企，放左個3包魚入魚缸對水，食飯，跟手放魚入魚缸，見到D新成員遊下遊下，但個2條羽毛刀就哩左係假屋後面，怕怕醜醜咁。入之後上D魚網search下羽毛刀D資料，搵到D料好驚：
羽毛刀
的獨特的臀鰭和泳姿令很多不知底蘊的魚友產生極大的興趣，但這種魚有熄燈後偷襲其他魚和 咬魚眼習慣，是極度危險的魚，不宜混養。
黑夜魔刀養一星期就知佢幾強
會先咬魚眼
羽毛刀﹣日頭羽毛夜晚刀
羽毛刀日頭唔算惡，但熄燈後就 ...... 險惡陰毒兼而有之！
羽毛刀，是我養咁多魚中最恐怖的一種。雖然皇子，鳳凰都係打餐死，但都是明刀明鎗。但羽毛刀卻表面柔弱，白天躲在陰角，好似好可鄰，仲怕佢冇野食。晚上一
關燈就見到它們在缸內飄來飄(好似幽靈)。D孔雀，同燈魚常常死無全屍。起初不為意，有日羅開舊石見到佢地食緊條魚。如果你細看條魚你會發覺佢個口其實好
大，不過你冇機會看到佢張開口。佢地雙眼只有兩點，其實已經退化緊。所以怕光，因此要晚上才出動(後來才知)。
我真不明魚街重有咁多羽毛刀賣，是不是做生意就要不擇手段。賣條殺手給你，做瓜你D魚然後又幫他買過。重來冇一個有良心的魚販告訴可鄰的新丁D魚的特性。特別是賣袋裝魚的。小孩子高高興興的去買魚結果往往讓成悲劇............可鄰
奇實最好唔買，仲叫人唔好買。最好應該立例，所有賣魚殺手必需用危險缸寄賣，並在上面注名特性及注明"危險"二字。雖然鯛都常有比武大會，但都點到即止。絕少殺魚分屍。
之後再望望對羽毛刀，愈望愈怕，愈睇佢個樣愈邪惡愈恐怖，又再拿拿聲撈番出魚缸，而家係網度問有無人要，有就送佢走，無就沖落屎坑算。以後買魚真係要小心D～～
對魚尋晚(22號)送左比人lur~~~臨送前見佢地游下游下，又有Ｄ唔捨得~~~
